Heyvan balinakimilər sinfinə aid ola bilər, lakin bu dəqiq deyil.

Qaziler.az Rusiya mətbuatına istinadən bildirir ki, bu balığa oxşayan portağal rəngli "canavar" Şimal dənizinin sahilində, Böyük Britaniyanın şimalında yerləşən Keys balıqçı kəndinin yaxınlığında görünüb. Qreq Cenkinson və oğlu Tayler Şotlandiyada səyahət edərkən bu əcaib canlını kəşf ediblər.

Dəniz canlısının uzunsov, parlaq narıncı bədəni, baş kimi görünən hissəsində ağ ləkələr və kürəyində qara ləkələr var.

Turistləri heyrətləndirən ən əsas şey canlının böyüklüyü olub. Qreq balığın təxminən üç fut uzunluğunda olduğunu söyləyib, bu da təxminən bir metrdir.

Qreq sosial şəbəkə hesabında tapıntının fotosunu paylaşıb və şərh yazıb: "Əgər bu yadplanetlilərin işğalı deyilsə, bunun nə olduğuna dair heç bir fikrim yoxdur".

Şərh yazanlar da sirli məxluqun növünü müəyyən edə bilməyib.

QAZİLER.AZ