Yaponiyada bir kişi qadının mənzilinə girərək onun alt paltarını yuduğu üçün həbs edilib.

Qaziler.az xəbər verir ki, bu barədə məlumatı “Sora News” yerli nəşri yazıb.

Nəşrin yazdığına görə, Şizuoka prefekturasından olan 28 yaşlı qadın səhər saatlarında evdən çıxaraq işə gedib. Lakin qapını bağlamağı unudub. Bundan istifadə edən kişi onun mənzilinə soxulub. Lakin kişi evdən oğurluq etməyib, əksinə yapon qadının alt paltarını yuyub.

Qadın etiraf edib ki, əgər zivədən asılmış paltarlar olmasaydı, bəlkə də evində yad birinin olduğunu heç vaxt anlamazdı. Bundan sonra yapon qadın polislə əlaqə saxlayıb. Lakin məmurlar şübhəli şəxsi axtarmağa ehtiyac duymayıblar, o, özü bir neçə saatdan sonra bölməyə gəlib.

Paltarları yuyan şəxsin yapon qadının 50 yaşlı qonşusu olduğu üzə çıxıb. O, bunu qəsdən etdiyini etiraf etsə də, hərəkətinin motivini izah edə bilməyib. Yaponiyalı kişi başqasının ərazisinə icazəsiz daxil olduğu üçün həbs olunub.

QAZİLER.AZ