“Duracell” şirkəti 25 min milliamper/saat tutumlu xarici akkumulyator M150-nin yeni modelini təqdim edib.

Qaziler.az “The Verge” istinadla xəbər verir ki, yeni model böyük AAA batareyasına bənzəyir.

M150 sadəcə enerji bankı deyil, tam hüquqlu bir doldurma stansiyasıdır. Onun çoxsaylı USB-A və USB-C konnektorları var və qapağında “MagSafe” ilə “iPhone” üçün istifadə etməyə imkan verən maqnit simsiz şarj cihazı quraşdırılıb. Qapağın altında elektrik kabellərini saxlamaq üçün kiçik bir rezervuar da var.

Akkumulyatorun hündürlüyü 16,25 sm, çəkisi isə təxminən 800 qramdır. Cihazın dəstinə M150 üçün daha 300 qram ağırlığında doldurma stansiyası daxildir.

“The Verge” yazır ki, “Duracell” enerji bankı 16 düymlük “MacBook Pro” noutbukunu doldura bilər. Batareyanın çıxış gücü noutbuku, “Steam Deck” oyun konsolunu və smartfonu eyni vaxtda doldurmaq üçün kifayət edir.

“Duracell” M150-ni artıq 200 dollar qiymətinə almaq mümkündür.

QAZİLER.AZ