Rusiyadan olan Monika adlı it Londonda ölüb.

Qaziler.az “nyus.ru”ya istinadla xəbər verir ki, təxminən iki il əvvəl Novosibirsk baytarları dünyada ilk dəfə Monikanın dörd ayağının yerinə protez qoyublar.

Məlumata görə, itin ölümünə böyrək çatışmazlığına səbəb olan infeksiya olub.

“Bir ildir ki, Monikanın pəncəsində infeksiya var idi, getdi və sonra geri gəldi. Bir anda sidik və böyrəklə bağlı problemlər başladı. Hər şey xəstəxanada yüksək hərarət və böyrək çatışmazlığı ilə başa çatdı”, - məlumatda qeyd edilib.

Nəşr xatırladır ki, Monikanın hekayəsi təxminən iki il əvvəl Krasnodar diyarında başlayıb. Burada pəncələri olmayan bir it yerli sakinlər tərəfindən Plastunovskaya stansiyası yaxınlığında qar yağarkən aşkar edilib. Kuban baytarları heyvanın həyatını xilas etdikdən sonra o, Novosibirskə göndərilib. Burada onun dörd pəncəsi üçün xüsusi protezlər hazırlanıb və daha sonra ayaqlarına quraşdırılıb.

Keysi adlı britaniyalı heyvansevər Monikanın taleyindən xəbər tutub və onu 2022-ci ilin iyulunda Londona aparıb. Qadın itə qulluq etsə də, heyvanı infeksiyadan xilas etmək mümkün olmayıb.

QAZİLER.AZ