Türkəyinin Antalya şəhərində maraqlı, eyni zamanda gülməli hadisə baş verib.

Qaziler.az Türkiyə mətbuatına istinadən bildirir ki, 6 illik həyat yoldaşı ilə qarşılıqlı razılaşma əsasında evliliyinə son qoyan, avtomobilini gəlin maşını kimi bəzəyən kişi ayrılığını şəhər turuna çıxararaq qeyd edib. Bayramdan video çəkən xoşbəxt adam bu anları sosial şəbəkədə paylaşıb.

Antalyanın Serik rayonunda yaşayan Abdurrahman Akman 6 ildir evli olduğu həyat yoldaşı ilə qarşılıqlı anlaşma ilə  ayrılmaq qərarına gəlib.

Akman cütlüyü qısa müddət sonra boşanıb.

Ayrılıqdan sonra keçmiş həyat yoldaşından gözlənilməz bir hərəkət gəlib.

Ad günü tortunun üzərinə yazılmış "Çox sevindim, bitdi" qeydi ilə nikahının pozulmasından məmnun olduğunu göstərən qadın bu haqda sosial media hesabında da paylaşıb.

Həmin paylaşım Abdurrahman Akmanın diqqətindən yayınmayıb.

Bunun üzərinə Akman keçmiş həyat yoldaşına cavab olaraq avtomobilini gəlin maşını kimi bəzəyərək üzərinə “Boşanmışam, şadam ki, bitdi” yazdırıb.

Avtomobili ilə şəhər turu edən Akman boşanmağını qeyd edib.

Cib telefonu ilə lentə aldığı görüntüləri sosial şəbəkədə paylaşıb və bu izləyicilərin marağına səbəb olub.

QAZİLER.AZ