Alimlərin araşdırmasına görə, iqlim dəyişikliyi və okeanların istiləşməsi insan həyatını təhdid edən “ölümcül ət yeyən mikrobların” yaranmasına səbəb olur.

Yerin atmosferi və okeanları bəşər tarixində heç vaxt olmadığı qədər istiləşir və həyatı təhdid edir. Lakin iqlim dəyişikliyinin nəticələri bununla məhdudlaşmır. Beynəlxalq tədqiqatçılar qrupunun apardığı yeni araşdırmaya görə, qlobal istiləşmənin başqa, az tanınan, lakin kifayət qədər təhlükəli təsiri var.

Sahil sularında ət yeyən bakteriyaların yayılması və o sularda hətta gözəl havalarda belə insanları təhlükəli şəkildə xəstələndirmək qabiliyyəti var.

Tədqiqat xüsusi olaraq insanlara yoluxması ilə məşhur olan “Vibrio vulnificus” növünə işarə edir.”Vibrio vulnificus” insanları çiy və ya az bişmiş dəniz məhsulları, xüsusən də istiridye yedikdə xəstələndirə bilər.

Bununla belə, açıq yaraya məruz qaldıqda, həyati təhlükəsi olan nekrotizan fasiitə (toxuma infeksiyası) səbəb ola bilər.

Tədqiqatın müəllifləri bildirirlər ki, Meksika körfəzindəki sahil sularından və Corciya ilə Floridanın Atlantik sahillərində uzun müddətdir tanınan “V. Vulnificus” bu bölgələr üçün artan təhlükəyə çevrilir və şimalda yeni yaşayış yerlərini koloniyalaşdırır.

QAZİLER.AZ