“Xiaomi”nin bazardakı smartfonlarında istifadə edilən MIUI 13 interfeysi telefonlara paylanmağa davam edərkən, Çin şirkəti tezliklə yeni versiya olan MIUI 14-ü bir çox modellərə təqdim edəcək.

MIUI 14 ilə istifadəçilərə ən hamar və ən yüngül mobil interfeysi təklif edən “Xiaomi” daha çox fərdiləşdirmə variantları da gətirir.

“Xiaomi” “Android 13” əsaslı MIUI 14 versiyasını alacaq POCO modellərini açıqladı. Çində onlarla modelə təklif edilən yeniləmə tezliklə digər ölkələrə də sürətlə yayılacaq.

POCO X5 Pro 5G 2023-cü ilin birinci rübündə MIUI 14 əsaslı Android 13 yeniləməsini alan ilk model olacaq.

İlin ikinci rübündə daha altı model, o cümlədən POCO F4 5G, F3 GT, X3 Pro, M5, M4 5G və C55 yeniləmələri alacaq.

İlin üçüncü rübündə yeniləmələri alacaq telefonlar POCO M4 Pro, X4 Pro 5G və M4 Pro 5G olaraq açıqlanıb.

Qalan modellərdən bəzilərinin ilin sonuna doğru yeniləmələri alacağı gözlənilir.

QAZİLER.AZ