Sinqapurda robot qu quşunun köməyi ilə yerli su hövzələrində suyun keyfiyyətinə nəzarət ediləcək.

AZƏRTAC naked-science. ru saytına istinadla xəbər verir ki, bu mexanizmin ideyasını tədqiqatçılar hələ altı il əvvəl fikirləşiblər. Əvvəlcə onlar sualtı cihazlar hazırlamaq istəyiblər, lakin Sinqapur Milli Universitetinin laboratoriya müdiri Mandar Çaytre daha asan üsul seçib. O, üzən robotlar hazırlamağı təklif edib. Elektron qu quşu mobil cihazlar və GPS ötürücüləri ilə təchiz olunub. Qu quşu sutka boyunca məlumat ötürür, həmçinin suyun kimyəvi tərkibi barədə informasiya və laboratoriyada tədqiq olunmaq üçün nümunə toplayır.

Gələcəkdə robot quş suları yoxlamaq üçün ölkənin şimal hissəsinə göndəriləcək.