Çində ilan şərabının hazırlanmasını əks etdirən video 340 milyon dəfə izlənərək rekord müəyyənləşdirib. APA TV-nin məlumatına görə, kadrlarda orta yaşlı qadın və kişi üç metr uzunluğunda diri ilanı içərisində düyü şərabı olan şüşə qaba soxurlar.

Bundan sonra qabın ağzı bağlanır və boğulmayan başlayan ilanın ağzından köpük çıxmağa başlayır. Çində ənənəvi ilan şərabı ilk dəfə 2700 il əvvəl hazırlanıb. Düyü şərabının içərisinə salınan ilan bir neçə ay burada qalır və onun zəhərinin yarısı etanol vasitəsilə zəhərsiz maddəyə çevrilir. Bu içki qədəhlərdə kiçik udumlarla içilir. Çinlilər ilan şərabının saç tökülməsinə qarşı təsirli vasitə olduğuna inanırlar.