Almaniyada bir məhkəmə evdən işləyən bir adamın işə başlamaq üçün yataqdan kompüterə keçərkən yaralanmasının texniki olaraq işə getməsi sayılmasına və bu müddət ərzində yaşanan qəzanın da iş qəzası olduğuna qərar verib.

Bizimyol.info türkiyə mətbuatına istinadən xəbər verir ki, Almaniya məhkəməsinin qərarında qeyd olunub ki, evdən işləyən şəxs yataq otağının aşağı mərtəbəsində yerləşən iş masasına gedib. O, iki mərtəbəni birləşdirən dairəvi pilləkənlə aşağı düşüb ki, bu “işə getmək” kimi qiymətləndirilib. Məhkəmə həmin adamın yıxılaraq belinin qırılmasının iş qəzası olduğuna qərar verilib.

Almaniya məhkəməsi qəzanın işə gedən zaman baş verdiyi üçün bu halı iş qəzası kimi qiymətləndirildiyini bildirib. Qeyd edilib ki, əgər işçi səhər yeməyi üçün mətbəxdə dayansaydı və qəza həmin vaxt baş versəydi, bu iş qəzası hadisəsi kimi qiymətləndirilə bilməzdi. Lakin bu hal, səhər yataqdan qalxaraq həmin gün ilk dəfə kompüterə doğru gedərkən baş verdiyi üçün iş qəzası olduğuna qərar verilib.

İşəgötürən tərəfi işçinin iş qəzası nəticəsində yaranan xərclərini ödəməkdən imtina etdib. Əvvəlki iki aşağı instansiya məhkəməsi hadisənin iş qəzası kimi müəyyən edilə bilməyəcəyinə qərar verib.