Bu il yayın əvvəlində fəaliyyətə başlamış “Apple Music” servisinin istifadəçilərinin sayı 11 milyon nəfəri keçib.

İKT.lent.az-ın “runews24.ru” saytına istinadən verdiyi xəbərə görə, bu barədə Qərb KİV-lərinə müsahibəsində “Apple” korporasiyasının internet xidmətləri üzrə vitse-prezidenti Eddi Kyu bildirib.

Onun sözlərinə görə, 2 milyon istifadəçi “ailə” planına abunə olub. Bu bölmədə bir qeydiyyat hesabı üzrə bir ailənin bir neçə üzvü qeydiyyata alınır. Rusiya yaşayan istifadəçilər üçün bu servisdə qeydiyyatın bir aylıq ödənişi hazırda 269 rubl təşkil edir.

Xatırladaq ki, xidmət iyunun 30-da fəaliyyətə başlayıb. İlk üç ay ərzində bütün istifadəçilər “Apple Music” xidmətindən pulsuz qeydiyyatdan keçiblər.