"Bədənimizdə 2 ordu üz-üzə durub: sağlamlığın keşikçiləri olan hüceyrələr və sağlamlığın düşməni olan mikroblar. İçimizdə daima savaş gedir, nəticəsi isə həyat tərzimizdən asılıdır".

Teleqraf.com xəbər verir ki, bu sözləri təbib Ərşad Əzimzadə Feysbuk hesabında qeyd edib.

O hesab edir ki, düzgün qidalanan adam sağlamlıq ordusunu, düzgün qidalanmayan isə düşmən ordusunu gücləndirir:

"Düzgün qidalanan adamın bədənində çox güclü PATRUL dəstələri olur. Onlar qana soxulmaq istəyən mikrobları dərhal blokadaya alıb məhv edirlər. Belə insanın immun sistemi güclü olur. Onu üçün heç bir virus təhlükəli deyil. Qeyri-sağlam həyat tərzi keçirən insanların müdafiə xətti çox zəif olur və mikroblar çox asanlıqla onu yarıb keçə bilir. Belə insanı yayda da qrip tutur, daima xəstə olur və dünyasını tez dəyişir".

Ərşad Əzimzadənin sözlərinə görə, immun sistemini gücləndirmək üçün hər kəs kifayət qədər çiy su içməli, meyvə-tərəvəz, göyərtini çiy şəkildə istehlak etməlidir:

"Qoz, fındıq, badam, şabalıd, günəbaxan və boranı tumu yeməli, faydalı hərəkətlər etməli (idman faydalı hərəkət deyil, bədən tərbiyəsi ilə məşğul olmaq yaxşıdır), düzgün yuxu rejimi, xeyirxah işlərlə məşğul olmalıdır. Orqanizmə lazım olan zəruri elementlər günəş işığında boldur".

O bildirib ki, bədəni viruslardan qoruyan elemenlərin əsas qidası C vitamini və yoddur:

"Bu elementlərin əsas yatağı limon və sarımsaq olduğu üçün belə bir məhluldan istifadə etməyi məsləhət görürəm. 3 litirlik balona xırda doğranmış orta həcmli 2-3 baş sarımsaq və 4-5 dilimlənmiş limon, üzərinə 3 litr çiy su əlavə edin. Bu qarışımı sərin yerdə bir gün saxlayın. Suyun rəngi göyərsə, sarımsaq Çinin saxta məhsullarından biridir. Sarımsağı əvvəllcədən başqa qabda yoxlamaq olar. Gündə 3 dəfə, hər dəfə stəkanın 3\1-i qədər bu mayeni yeməkdən 30 dəqiqə əvvəlqabaq qəbul edən adam koronavirusa qalib gələ bilər".

Ərşad Əzimzadə qeyd edib ki, koronavirus təkcə yaşlılara deyil, gənclərə və uşaqlara yoluxa bilir:

Hər şey immun sisteminin vəziyyətindən asılıdır. Virusdan qorxmayın. Amma özünüzü qorumağı da unutmayın".