Ölkədə koronavirusdan şübhələnən şəxs bütün ərazilərdə təcili tibbi yardım stansiyaları, yaxınlıqdakı xəstəxana və ya digər tibb müəssisəsinə müraciət etməlidir.

Trend-in məlumatın görə, bunu Nazirlər Kabinetinin yanında operativ qərargahın üzvü Vasif Əliyev koronavirusla bağlı KİV nümayəndələri üçün təşkil edilən brifinqdə bildirib.

Onun sözlərinə görə, yüksək qızdırma, öskürək, əzələ ağrıları, burun axması olan xəstələr dərhal tibb müəssisəsinə müraciət etməlidirlər: "Həmin tibb müəssisələrinin əməkdaşları dərhal həmin xəstəni nəzarətə götürəcək. Xəstədən analiz götürüləcək və müayinə ediləcək. Əgər onda koronavirus şübhəsi aşkar edilərsə, dərhal xəstə karantinə götürüləcək".