Soğan suyu saçları uzadır, ekzema və göbələk kimi saç dərisi xəstəliklərinə müalicəvi təsir göstərir.

Sizə soğan suyunun faydalarını təqdim edirik.
Saça faydaları
1 xörək qaşığı bal və yarım stəkan soğan suyunu qarışdırın, saçlarınıza masaj edərək sürtün. 15 dəqiqədən sonra saçınızı yuyun. Bu maska saç tökülməsinin qarşısını alır. Soğanda olan kükürd baş dərisini qidalandırır və saçları parıldadır. Bundan başqa, aparılan tədqiqatlar göstərir ki, soğan suyu saçları uzadır və gücləndirir.
2 və ya 3 ədəd soğanı blenderdən keçirib suyunu süzün. Soğanı suyunu saçlarınıza sürtün. 10-15 dəqiqə gözlədikdən sonra saçınızı yuyun. Bu maskanı həftədə iki dəfə tətbiq edin. Əgər səbr edib qoxusuna dözsəniz, saçların qısa müddətdə uzandığını və gücləndiyini hiss edəcəksiniz.
Dəriyə faydaları
Soğan suyu sızanaq müalicəsində də təsirlidir. Soğan suyunu bal və zeytun yağı ilə qarışdıraraq sızanaq və problemli hissələrə sürtün. Bu maska sizi zəhlətökən sızanaqları problemindən birdəfəlik xilas edəcək.
Dəri ləkələrini aradan qaldırmaq üçün soğan suyunu sarıkök ilə qarışdırın. Maskanı dərinizə sürtüb bir müddət gözlədikdən sonra ilıq suyla yuyun.
Arıqlama
Soğan suyu bədəndə meydana gələn yağlanmanı azaldır. Həmçinin arıqlamaq istəyənlər üçün də effektli vasitədir.
Digər faydalar
Qaynadılmış soğan suyu immunitet sistemini gücləndirir. Bədənin bakteriyalarla mübarizəsinə kömək edir. Xüsusi ilə qırmızı soğan ən qüvvətli antioksidant mənbəyidir. Soğan həm də bəlğəm sökdürücüdür. O, ürəyi gücləndirir və qan dövranı pozulmasının müalicəsində də müsbət təsir göstərir.
Soğan suyunun dadını xoşlamırsınızsa, onu yarım qaşıq balla və ya limon suyu ilə qarışdıraraq içib.
Soğan suyunun dəriyə heç bir əks təsiri yoxdur. Yalnız bəzən qaz yaradır. Bu səbəblə reflyuks xəstələri soğan suyu istifadə edərkən diqqətli olmalıdır.
Hamilə qalmaq istəyənlər də qorxmadan soğan suyu içə bilərlər. Aybaşı bitəndən sonra 7 gün içində içilməlidir. İkinci aybaşını görmədən 10 gün əvvəl yenidən 5 gün və ya 7 gün için. Bitəndən sonra əncir qurusuna başlayın.
Publika.az