Rus həkim terapevt Tatyana Kalemberq "Zdorovye" jurnalının oxucularını boğaz ağrısını müalicə edən sınanmış təbii üsulla tanış edib.

Həkimin sözlərinə görə o özü də bu üsuldan daim istifadə edir.
1 iri diş sarımsağı yaxşı əzin, üzərinə yarım stəkan isti su (qaynar yox!) tökün, qapaq altında 20 dəqiqə dəmləyin. Sonra dəmləməni yaxşı süzün və boğazı qarqara edin. Bundan sonra ağzınıza yarım çay qaşığı çaytikanı yağı alın və "əriyənə" qədər saxlayın.
Bu üsuldan gündə 2 dəfə səhər və axşam istifadə edin. 2-3 gündən sonra boğaz ağrısından və iltihabdan əsər-əlamət qalmayacaq.
Sarımsaq fitonsidlərlə zəngindir. Bu maddələr iltihabı müalicə edir. Çaytikanı yağı isə selikli qişanı yumşaldır və bərpa edir.
Diqqət! Tonzillit (angina) zamanı bu üsul yalnız köməkçi vasitə kimi istifadə oluna bilər. Angina antibiotiklərin köməyi ilə müalicə olunmalıdır. Vaxtında və düzgün müalicə olunmamış angina çox ağır fəsadlar törədə bilər.

Saglamolun.Az