Ölkəyə idxal olunan dərmanların Gömrük Komitəsində yoxlamalar ərzində saxlanıldığı yer dəyişdiriləcək.

Qaziler.az Xəzər Xəbər-ə istinadən bildirir ki, bununla bağlı Nazirlər Kabineti qərar qəbul edib. Məqsəd ölkəyə keyfiyyətli dərman idxalına imkan yaratmaqdır.

Ölkəyə idxal olunan dərmanlar yoxlamalar zamanı gömrük terminalında deyil, firmanın və sahibkarın öz anbarında saxlanılacaq. Bununla bağlı Nazirlər kabineti qərar qəbul edib. Millət vəkili Musa Quliyev deyir ki, bu, ölkəyə keyfiyyətli dərman idxalına imkan verəcək.

Əvvəl dərmanlar gömrük xidmətində saxlanılır, səhiyyə nazirliyi tərəfində nümunələr götürülür , analiz edilirdi. Musa Quliyev bildirib ki, bəzi dərmanlar var ki, onların saxlanılması üçün gömrük xidmətində xüsusi rejim yoxdur və bu səbəbdən dərmanın keyfiyyəti aşağı düşə bilər.

İndi isə dərmanlar xaricdən gətiriləndə Dövlət Gömrük Komitəsinin və Səhiyyə Nazirliyinin əməkdaşlarının nəzarəti altında muvafik şirkətin və ya sahibkarın anbarına yerləşdiriləcək. Səhiyyə Nazirliyi nümunələr götürdükdən sonra isə anbar möhürlənəcək. Bu dərmanların keyfiyyətli olması ilə yanaşı sahibkarların fəaliyyətini də asanlaşdıracaq

Eyni zamanda ölkədə dərman istehsalı ilə bağlı danışıqlara başlanılıb. Bunun üçün bir sıra xarici ölkələrin təcrübəsi öyrənilir