Xüsusən də qış mövsümündə, soyuq aylarda immunitet sisteminin güclü olması çox vacibdir. QAZİLER.AZ Aile.lent.az-a istinadən qış mövsümündə immunitet sistemini gücləndirən bitki çaylarını təqdim edir.

İtburnu

İtburnu çox yaxşı C vitamini qaynağıdır. Hətta ən yaxşı C vitamini qaynağı deyə bilərik. Xüsusən də havanın tez-tez dəyişdiyi yanvar ayında gündə 1 fincan itburnu çayı içməklə immunitet sistemini gücləndirə bilərsiniz.

Cökə

Cökə yalnız xəstəlik halları baş verəndə yada düşür. Başqa vaxt heç kəsin ağlına cökə gəlmir. Bitki çayları arasında ən məsumu olan cökəyə bal qataraq şirniyyat iştahasına güc gələ bilərsiniz. Eləcə də cökəni dəmləməklə xəstəliklərə qarşı özünüzü qoruya bilərsiniz.

Ədviyyatlı çaylar

Ədviyyatlı çaylar hazır formada da satılır. Hətta bəzi mağazalarda südlə qarışdırılmış ədviyyatlı çaylara da rast gələ bilərsiniz. Bu cür çayların tərkibində darçın olduğu üçün şirniyyat istəyini də azaldır. Qarabibər və zəncəfil tərkibli olması isə bədənin istiliyini qorumağa kömək edir. Beləliklə də, xəstəliklərdən qorunmuş olursunuz.

Yaşıl çay

Yaşıl çay qara çayın emal olunmamış, yəni işlənməmiş formasıdır. Buna görə də artıq içilməsi şiş yaranmasına səbəb ola bilər. Lakin metabolizmanı sürətləndirən təsiri olduğunu da unutmaq olmaz. Gündə iki fincan yaşıl çay həm sağlamlığa xeyirlidir, həm də artıq çəkiyə.

Qaysı çayı

Qaysı çayının ən vacib təsiri həzm sisteminə faydasıdır. İmmunitet sistemi ilə həzm sistemi birlikdə işləyir və birində narahatlıq yarandıqda digərinə təsir edir. Buna görə də, 2 gündən bir içdiyiniz 1 fincan qaysı çayı bağırsaq problemlərinizin qarşısını almağa kömək edir. Eyni zamanda, viruslara qarşı da mübarizə etmiş olursunuz.