Azərbaycanda 15-29 yaşlı kişilər arasında ölüm göstəricisi eyni yaş qrupunda olan qadınlarla müqayisədə 2.2 dəfədən çoxdur.

Bu barədə Dövlət Statistika Komitəsinin məlumatında qeyd olunub. Məlumata əsasən, 2025-ci ildə hər 100 min nəfər 15-29 yaşlı kişi əhaliyə 77.1 ölüm halı düşüb. Eyni yaş qrupunda olan qadınlar arasında isə bu göstərici 34.6 təşkil edib.

Qaziler.az Xəzər TV-yə istinadən bildirir ki, Səhiyyə Nazirliyinin həkim eksperi Zakir Quliyev deyir ki, təkcə ölkəmizdə deyil, bütün dünyada gənc yaşda ölən kişilərin sayı qadınlardan daha çoxdur. Qadınlar kişilərə nisbətən daha uzun il yaşayırlar. Bunun isə bir çox səbəbi var.

Zakir Quliyev deyir ki, enerji içkiləri də bu məsələdə əsas rol oynayan faktorlardan biridir.

Səhiyyə Nazirliyinin həkim eksperti deyir ki, qadınlar kişilərə görə həkimə daha çox müraciət edirlər. Bu da digər faktorlardan biridir.

Daha ətraflı videomaterialı təqdim edirik.