İnsanda yaşla bağlı dəyişikliklərin ilk əlamətləri artıq 25–30 yaşlarında özünü büruzə verə bilər.

Qaziler.az xəbər verir ki, tibb elmləri doktoru Aleksey Umryuxinin "RİA Novosti"yə verdiyi məlumata görə, qocalma prosesinin əsas mərhələləri isə 45 yaşından sonra baş verir.

"Yaşla əlaqədar dəyişikliklərin ilkin əlamətləri artıq 25–30 yaşlarında görünə bilər. Lakin orqanizmin solması ilə ənənəvi olaraq əlaqələndirilən dəyişikliklər, məsələn, göz büllurunun buludlaşması və ya presbiopiya (yaşla bağlı uzağıgörmə qüsuru), adətən 45 yaşından sonra özünü hiss etdirir", — deyə mütəxəssis bildirib.

Onun sözlərinə görə, 50 yaşdan yuxarı dövrdə orqanizmin funksiyalarında daha nəzərəçarpan zəifləmə, o cümlədən damarların ciddi aterosklerotik dəyişiklikləri müşahidə olunur. Həkim qeyd edib ki, yaşla bağlı dəyişikliklərin inkişaf sürətinə həyat tərzi, fiziki aktivlik və psixoemosional sfera güclü təsir göstərir. Bu prosesdə stress və stressdən sonrakı bərpa dövrü ən həlledici amillərdən biridir.

Umryuxin həmçinin vurğulayıb ki, "orta yüklənmə qanunu" gəncliyi uzatmaq üçün optimaldır. Fiziki fəaliyyət müntəzəm, orta və vərdişli olmalı, bədənin imkanlarını aşmamalıdır.

QAZİLER.AZ