Mayalı çörək orqanizmin daxilində qıcqırma yaratmır, bu, geniş yayılmış yanlış bir təsəvvürdür.

Qaziler.az xəbər verir ki, bunu həkim-endokrinoloq və diyetoloq Nataliya Şvedova "Çempionat" nəşri ilə söhbətində bəyan edib.

Mütəxəssis vurğulayıb ki, bu məhsulun kandidoz (göbələk xəstəliyi) ilə əlaqəsinə dair heç bir elmi sübut yoxdur. Onun sözlərinə görə, mayalı çörəklə acıtmalı (təbii mayalı) çörək arasındakı fərq, ilk növbədə dadındadır.

"Mayalı çörəyin bağırsaqda qıcqırma yaratması və ya kandidoza yol açması barədə iddiaların heç bir elmi əsası yoxdur. Acıtmalı və mayalı çörək arasındakı fərq dad, tekstura və fermentasiya (mayalanma) müddəti ilə bağlıdır, lakin həzm sisteminin sağlamlığına təsir göstərmir", — deyə Şvedova izah edib.

QAZİLER.AZ