Demensiyanın erkən mərhələlərində yaddaş problemlərindən əvvəl qidalanma vərdişlərində nəzərəçarpacaq dəyişikliklər müşahidə oluna bilər.

Qaziler.az xarici mətbuata istinadən bildirir ki, mütəxəssislərin məlumatına görə, xüsusilə şirniyyatlara, yağlı və karbohidratla zəngin qidalara qarşı qəfil və idarəolunmaz istək frontotemporal demensiyanın erkən əlamətlərindən biri ola bilər.

Bu vəziyyətdə insan iştahını idarə etməkdə çətinlik çəkə, həddindən artıq qida qəbul edə və yeməkdən sonra belə yenidən yemək istəyə bilər. Bəzi hallarda alkoqol və ya siqaretə qarşı kompulsiv meyl də yarana bilər.

Frontotemporal demensiya beynin davranış, şəxsiyyət xüsusiyyətləri, qərarvermə və impulsların idarə olunmasında iştirak edən alın və gicgah nahiyələrinə təsir edir. Bu səbəbdən xəstələrdə davranış və qidalanma vərdişlərində dəyişikliklər meydana çıxa bilər.

Mütəxəssislər bildirirlər ki, qida seçimlərində belə dəyişikliklər təkbaşına demensiya diaqnozu anlamına gəlmir. Lakin davranış və yaddaşda digər dəyişikliklərlə birlikdə müşahidə olunarsa, həkimə müraciət etmək tövsiyə olunur