Şiddətli baş ağrısı insultun xəbərçisi ola bilər.

Qaziler.az xəbər verir ki, bunu “NEWS.ru” saytına müsahibəsində həkim-nevroloq Svetlana Aleksandrova bildirib. Onun sözlərinə görə, əgər belə bir simptom ilk dəfə yaranıbsa, mütləq tibbi yardıma müraciət etmək lazımdır.

"Kəskin şəkildə başlayan, qısa müddətdə yüksək intensivliyə çatan və adət edilən hisslərdən əhəmiyyətli dərəcədə fərqlənən baş ağrısı xüsusilə təhlükəli hesab olunur. Belə bir simptom, xüsusən də beyinə qan sızması (hemorragik insult) zamanı müşahidə oluna bilər. Bəzən bu ağrılar ürəkbulanma, qusma, şüurun pozulması, işıqdan qorxma (fotofobiya) və ya kəskin zəifliklə müşayiət olunur. Əlbəttə ki, hər güclü baş ağrısı insult demək deyil. Lakin qəfil yaranan, həddindən artıq intensiv olan və xüsusən də ilk dəfə ortaya çıxan və ya digər nevroloji simptomlarla müşayiət olunan ağrılar təcili tibbi yardım tələb edir", — deyə Aleksandrova xəbərdarlıq edib.

QAZİLER.AZ