Yaxşı ya da pis, alkoqol həyatımızın bir hissəsidir. Lakin ondan necə və hansı miqdarda istifadə edildiyini dərk etmək oldukça vacibdir, çünki fəsadlar çox vaxt mənfi və hətta təhlükəli ola bilər.

Qaziler.az xarici mətbuata istinadən alkoqol qəbul edərkən nəzərə almalı olduğunuz 10 tövsiyəni təqdim edir:

1. Alkoqolun sosial təsirləri. O, bəzi insanlarda çəkinmə hissini azalda və ünsiyyəti stimullaşdıra bilər. Tədqiqatlar göstərir ki, alkoqol qəbulu impulsiv qərarların verilməsi və planlaşdırılmamış hərəkətlərin ehtimalını əhəmiyyətli dərəcədə artırır.
2. Sağlamlıq və bərpa. Alkoqolun mənfi təsirlərini aradan qaldırmaq üçün ev şəraitində hazırlanan vasitələr həmişə effektiv olmaya bilər. Ən yaxşı üsul orqanizmin su balansını bərpa etmək üçün kifayət qədər maye qəbul etmək və istirahət etməkdir. Şiddətli simptomlar zamanı həkimlə məsləhətləşmək tövsiyə olunur.
3. Alkoqolun bioloji təsiri. Alkoqol toksik xüsusiyyətlərə malikdir. Müntəzəm istifadə müxtəlif onkoloji xəstəliklərin, o cümlədən onkoloji şişlərin inkişaf riskini artırır.
4. Stimulyator deyil. Alkoqol kofein kimi stimullaşdırıcı deyil və enerji vermir. Əksinə, o, mərkəzi sinir sisteminə sakitləşdirici (sedativ) təsir göstərən bir maddədir.
5. Davranış dəyişiklikləri. Alkoqol müxtəlif davranış problemlərinə yol aça bilər: bura aqressiya, emosional qeyri-sabitlik, həddindən artıq danışmaq və depressiv vəziyyətlər daxildir.
6. Yuxu keyfiyyəti. Alkoqol yuxu dövrlərini pozur. Həddindən artıq qəbul edildikdə yuxusuzluğa səbəb olur və bədənin fiziki bərpa prosesinə mane olur.
7. Metabolizm və xarici görünüş. Alkoqol metabolik proseslərə təsir edərək çəki artımına və dərinin vəziyyətinin pisləşməsinə səbəb ola bilər.
8. Psixoloji sağlamlıq. Alkoqol depressiyanın inkişafına təkan verə bilər. Uzunmüddətli istifadə özünəinamın azalmasına və ciddi asılılığın yaranmasına gətirib çıxarır.
9. Psixi pozuntular. Alkoqoldan asılı olan şəxslər tez-tez əsəbilik, ətrafdakılara qarşı qəzəb və dərin depressiya hissi yaşayırlar.
10. Yaddaş və idrak. Alkoqol həm qısamüddətli, həm də uzunmüddətli yaddaşı zəiflədir. Yuxu rejiminin pozulması beynin gün ərzində alınan məlumatları emal etmək qabiliyyətini aşağı salır.