Paxlalı bitkilərin rənginin tündlüyü onların insan orqanizmini onkoloji xəstəliklərdən və oksidləşdirici stressdən qoruma qabiliyyətini göstərir.

Qaziler.az bildirir ki, bu barədə dietoloq-həkim Rimma Moysenko iyulun 8-də məlumat verib.

Ekspertin sözlərinə görə, klinik tədqiqatlar qara lobyanın ən yüksək miqdarda polifenol ehtiva etdiyini göstərib.

“Onlar sərbəst radikalları neytrallaşdıraraq onkoloji xəstəliklərin inkişafının qarşısını almağa kömək edən əsas maddələrdir”, — deyə o, “Radio 1”ə müsahibəsində bildirib.

Bununla yanaşı, dietoloq qeyd edib ki, bütün paxlalı bitkilər müəyyən qoruyucu xüsusiyyətlərə malikdir.

“Lakin maksimum fayda əldə etmək istəyirsinizsə, bənövşəyi və ya qara lobyaya üstünlük verin. Bu növlər həm ürək-damar xəstəliklərindən, həm də onkoloji xəstəliklərdən qorunmağa kömək edir”, — deyə Moysenko əlavə edib.

QAZİLER.AZ