Həm çay, həm də qəhvə sağlam və enerji verən içkilər hesab olunur. Hər birinin özünəməxsus faydaları var.
Demək olar ki, hər kəsin səhəri ətirli içki ilə başlayır. Bəziləri üçün bu, qəhvədir, digərləri isə çaya üstünlük verir.

Qaziler.az bildirir ki, "Styler" nəşri mütəxəssislərdən səhərlər orqanizm üçün nəyin ən yaxşı olduğunu və nəyin qətiyyən tövsiyə edilmədiyini soruşub.

Qəhvə  səhər tezdən "oyanmaq qabiliyyəti"nə görə seçilir. Orta hesabla dəmlənmiş qəhvə fincanında 80-115 milliqram kofein, bir fincan çayda isə təxminən 40 milliqram kofein olur.

Lakin bu, birmənalı təsdiqləmə  deyil. Tədqiqatlar göstərir ki, çay qəhvə qədər canlandırıcı ola bilər. Hamısı dəmləmənin gücündən, üstünlüklərindən və fərdi xüsusiyyətlərdən asılıdır.

Tibbi araşdırmalara görə, qəhvə hepatit C daşıyıcılarında qaraciyər xərçəngi riskini 40% azaldır. Mütəmadi olaraq qəhvə içənlərin vaxtından əvvəl ölmə ehtimalı 15% azdır.

Unutmayın ki, qəhvə bədəni susuzlaşdırır, buna görə də içdiyiniz hər fincan qəhvə üçün bir stəkan su içməlisiniz.

Qəhvənin daha az nəzərə çarpan faydası onun yaratdığı emosiyalardır. Kofein əhval-ruhiyyəni yaxşılaşdırır, baxmayaraq ki, bədəndə müəyyən stress yaradır. Bundan əlavə, isti söhbətlər və işgüzar danışıqlar tez-tez bir fincan qəhvə üzərində aparılır.

Çay və ya qəhvə seçməyinizdən asılı olmayaraq, səhər içdiyiniz ilk maye su olmalıdır. Acqarına bir stəkan ilıq su mədə-bağırsaq traktının oyanmasına və həzmə hazırlaşmasına kömək edir.

QAZİLER.AZ