Dondurmanın tərkibində palma yağı olmamalıdır.

Qaziler.az xəbər verir ki, bunu "NEWS.ru"ya açıqlamasında uşaq nutrisoloqu və aromaterapevti Yelena Milayeva bildirib. Onun sözlərinə görə, təhlükəsiz məhsulun tərkibində normallaşdırılmış süd, qaymaq, şəkər, təbii stabilizatorlar və vanil olur.

"İsti havada dondurma sərinləşməyin sürətli yoludur. Lakin hər şirniyyat bədən quruluşu üçün təhlükəsiz deyil. İdeal tərkibə normallaşdırılmış süd, qaymaq, şəkər, quru süd, təbii stabilizatorlar və vanilin daxildir. Belə bir plombirin kalorisi 300 kkal-a qədər olacaq. Tərkibində bitki yağlarından və ya palma yağından, həmçinin aromatizator və boyaq maddələri siyahısından qaçmağa çalışın. Şəkər siyahının sonuna nə qədər yaxın olarsa, bir o qədər yaxşıdır", — deyə Milayeva izah edib.

O əlavə edib ki, Ümumdünya Səhiyyə Təşkilatının (ÜST) tövsiyələrinə əsasən, gündəlik rasionda əlavə edilmiş şəkərin payı 50 qramdan çox olmamalıdır. Onun sözlərinə görə, klassik plombirin cəmi bir porsiyasında 20 qrama qədər şəkər ola bilər ki, bu da icazə verilən gündəlik limitin demək olar ki, yarısıdır.

QAZİLER.AZ