Diş fırçasının hamam otağında saxlanması rütubətli mühitdə bakteriyaların sürətlə çoxalması səbəbindən infeksiya riskini artıra bilər. Fırçanı hava keçirməyən plastik qabda saxlamaq da tüklərin üzərindəki mikroorqanizmlərin sayının artmasını sürətləndirə bilər.

Qaziler.az "Deia" nəşrinə istinadla xəbər verir ki, bu barədə həkim Sebastyan Arryeta xəbərdarlıq edib.

Mütəxəssisin sözlərinə görə, əsas səhv bir çox insanın fırçanı yüksək rütubətli otaqda qoymasıdır. Belə bir mühit, xüsusən də istifadədən sonra fırça tam qurumağa vaxt tapmadıqda, tüklərin üzərində bakteriya və digər mikroorqanizmlərin çoxalmasına şərait yaradır.

Həkim diş fırçasının hava almayan qutularda və ventilyasiyası olmayan konteynerlərdə saxlanmasını da səhv adlandırıb. Belə şəraitdə rütubət daha uzun müddət qalır və patogenlərin artması üçün əlverişli mühit olur.

Arryeta tövsiyə edir ki, dişləri təmizlədikdən sonra fırça pasta və qida qalıqlarından yaxşıca yuyulmalı, suyun rahat süzülməsi üçün şaquli vəziyyətdə, başlığı aşağı şəkildə saxlanmalıdır.

Bundan əlavə, mütəxəssis diş fırçasını hər üç aydan bir, həmçinin soyuqdəymə və qrip də daxil olmaqla, keçirilmiş infeksion xəstəliklərdən sonra dəyişməyi məsləhət görür.

QAZİLER.AZ