İrlandiyalı alimlər müəyyən sağlamlıq göstəricilərini və müntəzəm qəhvə içənlərlə içməyənlərin rifahının subyektiv qavrayışını müqayisə edən bir araşdırma aparıblar.

Qaziler.az-ın xarici mətbuata istinadən məlumatına görə, nəticələr göstərib ki, hətta kofeinsiz qəhvə belə bağırsaq sağlamlığına müsbət təsir göstərir, əhval-ruhiyyəni yaxşılaşdıra və idrak fəaliyyətini artıra bilər.

"Hər iki növ qəhvə [kofeinli və kofeinsiz] stress, depressiya, impulsivlik və qıcıqlanma səviyyələrini azaltdı, həmçinin əhval-ruhiyyəni və idrak fəaliyyətini yaxşılaşdırdı", - tədqiqatçılar yazır.

Lakin, yalnız kofeinli qəhvə narahatlıq, psixoloji stress və qan təzyiqinin azalması, eləcə də diqqət və stresslə mübarizə bacarıqlarının yaxşılaşması ilə əlaqələndirilib. Qəhvə içənlər həmçinin içməyənlərə nisbətən daha yüksək impulsivlik və emosional reaktivlik nümayiş etdiriblər.

Bununla belə, kofeinsiz qəhvə yuxunu yaxşılaşdırır, fiziki aktivliyi artırır və yaddaşı gücləndirir.

"Qəhvə sadəcə kofein deyil; o, bağırsaq mikroblarımız, maddələr mübadiləmiz və hətta emosional vəziyyətimizlə qarşılıqlı təsir göstərən mürəkkəb qida amilidir", - mikrobioloq Con Krayan deyir.

QAZİLER.AZ