“Allergiya ilk dəfə yetkinlik dövründə yarana bilər”.

Qaziler.az xəbər verir ki, bunu Rusiya Səhiyyə Nazirliyinin Rusiya Uşaq Klinik Xəstəxanasının Məsləhət və Diaqnostika Mərkəzinin rəhbəri, tibb elmləri doktoru Anna Usaçeva RT-yə verdiyi açıqlamada deyib.

O, immun sisteminin müxtəlif yaşlarda fərqli fəaliyyət göstərə biləcəyini bildirib.

“Allergiya həqiqətən də tez-tez uşaqlıqda ortaya çıxır, çünki məhz həmin vaxtda immun sistemi ətraf mühiti aktiv şəkildə öyrənir. Lakin bu, allergiyanın yetkinlik dövründə yarana bilməyəcəyi anlamına gəlmir. Belə hallar olduqca çoxdur və səbəbləri başa düşüləndir. İnsanın immun sistemi statik deyil, o, həyat boyu dəyişir”, - Usaçeva bildirib.

Həkim qeyd edib ki, allergiya ətraf mühit, allergenə uzun müddət məruz qalma və ya fərqli bir bölgəyə keçmə nəticəsində yarana bilər. O, bütün allergiyaya bənzər simptomların əslində vəziyyəti tam göstərmədiyi barədə xəbərdar edib və durum pisləşərsə, tibbi yardım almağı tövsiyə edib.

QAZİLER.AZ