D vitamininin yüksək dozaları COVID-19-un şiddətini azaltmır, lakin infeksiyanın uzunmüddətli nəticələrinin inkişaf ehtimalını azalda bilər.

Bu, The Journal of Nutrition (JN) jurnalında dərc olunmuş tədqiqatçıların gəldiyi nəticədir.

Tədqiqatda COVİD-19-a yoluxduğu təsdiqlənən 1747 yetkin şəxs iştirak edib.

İştirakçılar təsadüfi olaraq iki qrupa bölündülər: biri dörd həftə ərzində yüksək dozada D3 vitamini, digəri isə plasebo qəbul etdi.

Lakin, əlavə xəstəliyin şiddətini, xəstəxanaya yerləşdirilmə tezliyini və ya onunla təmasda olan insanlarda infeksiya riskini azaltmayıb.

Lakin, əlavə təhlillər apardıqdan sonra alimlər uzunmüddətli COVID-ə qarşı mümkün təsir aşkar etdilər.

D vitamini rejiminə ciddi şəkildə əməl edən iştirakçılar arasında səkkiz həftədən sonra uzunmüddətli simptomlar 21 faizdə müşahidə olunub, plasebo qrupunda isə bu rəqəm 25 faiz olub.

Tədqiqat müəlliflərinə görə, nəticələr D vitamininin ağır infeksiyanın qarşısını almaq qabiliyyətini təsdiqləmir, lakin əlavənin xroniki yorğunluq, nəfəs darlığı və idrak pozğunluğu kimi COVID-19-un uzunmüddətli nəticələrinin riskini azaltmaqdakı potensial rolunu göstərir.

Alimlər qeyd edirlər ki, son nəticələr çıxarmaq üçün daha geniş tədqiqatlara ehtiyac olacaq.

QAZİLER.AZ