Balın gündəlik istehlakı bağırsaq sağlamlığını dəstəkləmək və enerjini artırmaqla sağlamlığınızı yaxşılaşdıra bilər.

Qaziler.az bu barədə “Marthastewart”a istinadla yazır.

Yazıda qeyd olunur ki, balın antioksidant və iltihab əleyhinə xüsusiyyətləri iltihabı azalda, ümumi sağlamlığı dəstəkləyə və hətta qan şəkərinin səviyyəsini yaxşılaşdıra bilər. Diyetoloqlar qeyd ediblər ki, bal faydalı xüsusiyyətlərlə dolu super qidadır.

“Gündəlik 1-2 çay qaşığı (təxminən 5-10 qram) balın qəbulu əksər insanlar üçün təhlükəsiz və faydalı hesab olunur. Bu miqdar qidaya  artıq şəkər əlavə etmədən orqanizmi antioksidant və digər qida maddələri ilə təmin edir", - diyetoloq Loren Manaker bildirib.

Manaker deyir ki, bal bədəndəki sərbəst radikalları neytrallaşdıraraq oksidləşdirici stresslə mübarizə aparan polifenollar və flavonoidlər, bitki antioksidantları ehtiva edir ki, bu da iltihabı azaldır və ümumi sağlamlığı dəstəkləyir.

Manaker qeyd edib ki, bal təkcə antioksidantlarla zəngin deyil, tərkibində həm də  balın antibakterial və iltihab əleyhinə xüsusiyyətlərini artıran metilqlioksal birləşmə var. 

QAZİLER.AZ