Rus turist Balidə siçovulların yoluxduğu tif xəstəliyini diaqnoz və müalicə etmək üçün ChatGPT neyron şəbəkəsindən istifadə edib.

Qaziler.az bu barədə SHOT teleqram kanalına istinadla xəbər verir.

Çanquda kirayə götürülmüş villada gəmirici ilə təmasdan sonra 32 yaşlı Nadejda qəfildən özünü pis hiss edib. O, əvvəlcə villada siçovul gördüyünü, onu tutduğunu, sonra isə buraxdığını qeyd edib. Heyvan daha sonra qayıdıb mətbəxdə məskunlaşıb və gecələr peyda olub.

Bir neçə gün sonra qadında qızdırma yaranıb və yuxuda ağlamaqla müşayiət olunan sayıqlamalar başlayıb. Bədəninin hərarəti 35,7 dərəcəyə düşüb, şiddətli baş ağrıları, nəfəs darlığı və dəri həssaslığının artması müşahidə olunub. Təcili yardım çağırdıqdan sonra ona müalicə təyin edilib, lakin heç bir test aparılmayıb. Vəziyyəti pisləşməyə davam edib: qulaq tutulması yaranıb və qızdırması davam edib.

Yenidən həkimlərə müraciət etdikdən sonra turistdən denge qızdırması üçün testlər götürülüb və venadaxili dərmanlar təyin edilib. Qan analizləri trombosit sayının aşağı olduğunu və denge qızdırmasının kritik mərhələsində olduğunu göstərib. Daha sonra xəstədə ayaq iflici, eləcə də ağciyər və bağırsaq ağrılar başlayıb. Xəstəxanaya yerləşdirilməkdən imtina edən rusiyalı qadın süni intellektin köməyi ilə özünü müalicə etməyə qərar verib.

O, test nəticələrini ChatGPT-yə yükləyib. Süni intellekt rus qadının siçovul tifisinə yoluxduğunu bildirib və antibiotik kursu tövsiyə edib. Dörd gün ərzində təyin olunmuş dərmanları qəbul etdikdən sonra qadının vəziyyətində əhəmiyyətli dərəcədə yaxşılaşma müşahidə edilib.

QAZİLER.AZ