"Enerji içkiləri təkcə diş minası üçün deyil, həm də mədə-bağırsaq traktı üçün təhlükəlidir".

Qaziler.az xəbər verir ki, bunu Rusiya Ortodontistlər Peşəkar Cəmiyyətinin üzvü Mariya Balakireva Nijni Novqoroddan olan 18 yaşlı bir gəncin bu içki səbəbindən az qala dişlərini itirməsi xəbərini “NEWS.ru”ya şərh edərkən bildirib. Onun sözlərinə görə, enerji içkiləri içmək sağlamlıq üçün xeyli risk faktorudur.

“Təəccüblüdür ki, Nijni Novqoroddan olan kişinin yalnız enerji içkiləri içdikdən sonra diş problemləri yaranıb. Bəli, o, dişlərini itirə bilərdi. Bu içkilərin tərkibi diqqətlə yoxlanılmalıdır. Onlarda diş minasına mənfi təsir göstərən fermentlər ola bilər. Çox güman ki, kişidə mədəsində də problemlər yaranıb. Çünki bütün bədən bu içkilərdən əziyyət çəkir, mədə-bağırsaq traktına böyük təsir göstərir", - deyə Balakireva izah edib.

Diş həkimi qeyd edib ki, enerji içkiləri ağıllı şəkildə içilməli, həftədə bir dəfədən çox qəbul edilməməlidir.

QAZİLER.AZ