Yuxu zehni və fiziki sağlamlıq üçün vacibdir. Araşdırmalarla insanların müxtəlif yaşlarda nə qədər yuxuya ehtiyacı olduğu öyrənilib.

Qaziler.az bildirir ki, Prevention.com saytına görə, ABŞ-nin Milli Yuxu Fondu optimal yuxu üçün tövsiyələrini yeniləyib. Yeni qaydalar yaşa əsaslanır. Yenidoğulmuşlar (0-3 ay) 14-17 saat, körpələr (4-11 ay) 12-15 saat, kiçik yaşlı uşaqlar (1-2 yaş) 11-14 saat, məktəbəqədər uşaqlar (3-5 yaş) 10-13 saat və məktəb yaşlı uşaqlar (6-13 yaş) 9-11 saat yatmalıdırlar.

Yeniyetmələrin (14-17 yaş) 8-10 saat, gənclərin (18-25 yaş) isə 7-9 saat yatması lazımdır. 26-64 yaş arası böyüklərin eyni miqdarda yuxuya ehtiyacı var, 65 yaşdan yuxarı olanlar isə 7-8 saat yatmalıdırlar.

QAZİLER.AZ