“Nanolek” əczaçılıq şirkəti, Sənaye İnkişaf Fondunun (IDF) iştirakı ilə, Rusiyanın ilk tam dövrlü insan papillomavirusu (HPV) peyvəndinin istehsalına başlayıb.

Qaziler.az xəbər verir ki, bu barədə RİA “Novosti” məlumat yayıb.

“Nanolek” şirkətinin baş direktoru Yevgeni Barinovun açılış mərasimində bildirdiyi kimi, HPV layihəsi antigenlərin istehsalında iki sahəsinin tikintisini əhatə edir.

"İldə 600.000 dozadan çox istehsal gücünə malik ilk sahəni bu gün açırıq. Gələn il HPV peyvəndlərinin ilk partiyaları mülki istifadə üçün buraxılacaq", - agentlik Baranovdan sitat gətirib.

O, bunun ilin ikinci yarısında baş verəcəyini dəqiqləşdirib.

Şirkətin baş direktoru həmçinin qeyd edib ki, “Nanolek” 2027-ci ilə qədər istehsalı ildə 3,5 milyon peyvənd qədər artırmağı planlaşdırır. Onun sözlərinə görə, bu, təkcə Rusiya səhiyyə sisteminin bütün ehtiyaclarını ödəməklə yanaşı, həm də beynəlxalq bazara çıxmağa imkan verəcək.

QAZİLER.AZ