Dermatokosmetoloq, lazer terapevt və trixoloq Lianna Kazaryan bildirib ki, səhv seçilmiş hidrofilik yağ üzdə məsamələrin tıxanmasına və qara nöqtələrin yaranmasına səbəb ola bilər.

Qaziler.az-ın məlumatına görə, bu barədə o, “NEWS.ru”ya müsahibəsində danışıb.

Eyni zamanda, o, bu kosmetik məhsulun böyük populyarlığını qeyd edib.

“Hidrofilik yağ, tərkibindəki yağ və suyun xüsusiyyətlərini birləşdirərək dərini effektiv şəkildə təmizləmək qabiliyyətinə görə populyarlıq qazanıb. Dərinin təbii balansını pozmadan makiyajı və kirləri təmizləmək üçün idealdır. Ancaq səhv seçilmiş məhsul məsamələrin tıxanmasına və komedonların görünməsinə səbəb ola bilər. Gözlərə girərsə, müvəqqəti qıcıqlanmaya səbəb ola bilir”, -  Kazaryan izah edib.

Həkim hidrofilik yağın mühüm faydalı xüsusiyyətini də vurğulayıb. Belə ki, kosmetik vasitə dərini qurutmur və hətta ən davamlı makiyajı silir. O, bu məhsulun bütün dəri tipləri üçün, xüsusən də həssas dərilər üçün uyğun olduğunu vurğulayıb.

QAZİLER.AZ