Kardioloq Qustavo dos Reys Markes bildirib ki, yüksək xolesterol hətta arıq insanlarda da yarana bilər.

Qaziler.az bildirir ki, “Correio”ya ilə müsahibəsində həkim izah edib ki, əsas səbəblər genetik meyl və visseral piylərin yığılmasıdır.

"Klinik qiymətləndirmə görünüşdən kənara çıxmalıdır. Genetik faktorlar və gözə görünməyən visseral yağ tez-tez arıq pasiyentlərdə xolesterol səviyyələrində dəyişikliklərə səbəb olur" - Markes qeyd edib.

Visseral yağ qarın boşluğunda daxili orqanların ətrafında yığılır. Bioloji aktiv maddələr və iltihablı sitokinlər istehsal etdiyi üçün təhlükəli sayılır. Bundan əlavə, belə gizli yağlar ürək-damar xəstəlikləri və diabet riskini artırır. Bu səbəbdən həkimlər bədən kütləsi indeksinin qiymətləndirilməsi ilə yanaşı, beli ölçməyi, omba və qarın ətrafındakı nisbət qurmağı tövsiyə edirlər.

Həkim qeyd edib ki, genetika və piylərlə yanaşı, xolesterolun səviyyəsinə pis qidalanma, stress, oturaq həyat tərzi də təsir edir. Həddindən artıq xolesterol çoxlu doymamış yağların, qızardılmış qidaların, “fast food”ların və işlənmiş qidaların - peçenye, tort və qəlyanaltıların sui-istifadəsi nəticəsində yaranır.

QAZİLER.AZ