Rusiya Səhiyyə Nazirliyinin “Akademik V. İ. Şumakov adına Transplantologiya və Süni Orqanlar üzrə Milli Tibbi Tədqiqat Mərkəzi”nin şöbə müdiri Nataliya Çebotareva bildirir ki, gündə üç stəkandan çox qəhvə içmək böyrəklərin sağlamlığına mənfi təsir göstərir.

Qaziler.az bu barədə “NEWS.ru”ya istinadla xəbər verir.

Professorun sözlərinə görə, içkiyə xüsusilə süd və ya qaymaq əlavə edərkən normanın aşılması qanda kaliumun səviyyəsini artıra bilər ki, bu da böyrək çatışmazlığından əziyyət çəkən insanlar üçün təhlükəlidir.

“Gündə bir fincan qəhvə içirsinizsə, o zaman az miqdarda kalium istehlak edirsiniz. Amma gündə üç-dörd fincan qəhvə qanda kaliumun səviyyəsinin artmasına səbəb ola bilər, xüsusən də böyrək çatışmazlığının ağır mərhələsində olan xəstələrdə. Qaymaq və ya süd əlavə etmək qəhvənin tərkibindəki kaliumun miqdarını daha da artıra bilər. Yəni, gündə üç stəkandan az içmək adətən təhlükəsiz sayılır”, - Çebotareva izah edib.

O, qeyd edib ki, kofein qan təzyiqinin qısamüddətli olsa da kəskin artmasına səbəb ola bilər, ona görə də hipertonik xəstələr gündə iki stəkan bu içki ilə məhdudlaşmalıdırlar. Onun sözlərinə görə, şərbət və ya krem kimi ətirli əlavələrlə xüsusi ehtiyatlı olmaq lazımdır, çünki onlar təkcə kaliumun səviyyəsinə deyil, həm də bədəndəki fosforun tərkibinin artmasına təsir göstərir.

QAZİLER.AZ