İldırım vurması ciddi yanıqlara, aritmiya, iflic və ağır koqnitiv pozğunluqlara səbəb ola bilər.

Qaziler.az bildirir ki, bu sözləri RİA “Novosti”yə həkim-terapevt və profpatoloq Svetlana Burnatskaya bildirib. Həkim vurğulayıb ki, ildırımın temperaturu 16 600 dərəcə Selsiyə çata bilər ki, bu hal paltar yaş olduqda xüsusilə təhlükəlidir.

“İldırım vurması ağır fizioloji nəticələrə - dəri yanıqları, ürək problemləri, daxili orqanların və mərkəzi sinir sisteminin zədələnməsinə səbəb olur”, - Burnatskaya bildirib.

Mütəxəssisin sözlərinə görə, ildırım vuran insanlar tez-tez əzələ zəifliyi, iflic və koqnitiv pozğunluqlarla üzləşirlər. İldırımın xarakterik izləri dəridə qalır və sağ qalanlar tez-tez post-travmatik stress, narahatlıq və depressiyadan əziyyət çəkirlər. Həmin insanlar uzun müddət xroniki ağrılar, baş ağrıları, yuxu pozğunluqları və yaddaş problemləri ilə qarşılaşa bilərlər.

QAZİLER.AZ