“Qarabaşaq yarmasının istehlakı ilə damar divarlarının iltihabı arasında əlaqəni təsdiqləyən heç bir araşdırma yoxdur”.

Qaziler.az xəbər verir ki, bunu qastroenteroloq Yelena Pavlova “NEWS.ru”ya bildirib. Onun sözlərinə görə, insanların cəmi 2,8%-nin qarabaşaq yarmasına allergiyası var.

Bəzi həkimlərin fikrincə, qarabaşaq yarması damarların divarında iltihaba səbəb ola bilər. Ancaq bu məlumatları göstərən heç bir araşdırma yoxdur. Əgər qarabaşaq yarmasının allergik reaksiyaya səbəb ola biləcəyini fərz etsək, statistikaya görə, bu, insanların 2,8% -ində baş verir. Bu, əhəmiyyətlı rəqəm deyil. Bəli, hər hansı bir məhsula fərdi dözümsüzlük ola bilər”, - Pavlova bildirib.

O, qeyd edib ki, qarabaşaq yarmasını şəkər və yağla yemək sağlamlığa çox da ziyan vurmur. Pavlovanın sözlərinə görə, yağ öd kisəsinin işləməsi, həmçinin kortizol, testosteron və estrogen istehsalı üçün lazımdır. Eyni zamanda, həkim şəkərin zərərli olduğunu, ancaq giləmeyvə ilə əvəz edilə biləcəyini bildirib.

“Qarabaşaqda irmikdən fərqli olaraq, asta-asta parçalanan mürəkkəb karbohidratlar var. Tərkibində B vitaminləri və minerallar - dəmir, maqnezium, fosfor, sink, mis, manqan və selen var. Tərkibində vacib amin turşuları var: lizin, metionin. Bundan əlavə, qarabaşaq yarmasının tərkibində rutin var: qan damarlarının divarlarını gücləndirən bioflavonoid. Glisemik indeks aşağıdır, buna görə də şəkərli diabet xəstələri tərəfindən istifadə edilə bilər. Məhsuldan zərərdən çox fayda əld. etmək üçün həftədə iki və ya  üç dəfə yemək olar”, - Pavlova əlavə edib.

QAZİLER.AZ