“Sağlam oynaqlar üçün pis məhsulları istisna etməkdənsə, balanslaşdırılmış qidalanma daha vacibdir”.

Qaziler.az KP.RU-ya istinadla xəbər verir ki, bu məsləhəti diyetoloq Maksim Şilov verib. Onun sözlərinə görə, balans və çəkiyə nəzarət əsas rol oynayır.

“Əvvəla, anlamaq lazımdır ki, oynaqlarla bağlı hər hansı bir problem artıq çəki, həm yükün özü, həm də artıq yağ toxuması tərəfindən təsirlənən iltihabi proseslərlə ağırlaşır. Piylənmə dərəcəsi nə qədər yüksək olarsa, artrozun inkişaf riski bir o qədər yüksəkdir”, - deyə həkim qeyd edib.

Şilov vurğulayıb ki, oynaqların sağlamlığı üçün çəkiyə nəzarət etmək, doymuş yağlar və sadə karbohidratlardan istifadəni azaltmaq, qida rasionuna resveratrol və omeqa-3 yağ turşuları ilə zəngin qidalar əlavə etmək vacibdir. D vitamininin səviyyəsini izləmək də önəmlidir.

QAZİLER.AZ