Palma yağının istehlakı uşaqları metabolik sindromun inkişafı ilə təhdid edir.

Qaziler.az xəbər verir ki, bunu diyetoloq Aleksandra Razarenova OTR-ə bildirib. O qeyd edib ki, orqanizmdəki bu pozğunluq piylənmə, ürək-damar xəstəlikləri və şəkərli diabetə səbəb olur.

Razarenova xəbərdarlıq edib ki, metabolik sindrom bir çox daxili orqanların işində pozulmalara səbəb ola bilər. O əlavə edib ki, palma yağında palmitik turşu da daxil olmaqla çoxlu doymuş yağlar var. Onların həddindən artıq istehlakı aşağı sıxlıqlı lipoprotein xolesterinin səviyyəsinin artmasına gətirib çıxarır.

Bundan əlavə, onun sözlərinə görə, sənayedə emal zamanı palma yağında zərərli trans yağlar və zəhərli maddələr əmələ gəlir. Bu isə iltihabi proseslərin və aterosklerozun inkişaf riskini artırır.

QAZİLER.AZ