Beynəlxalq alimlər qrupu Kanada və ABŞ-da 15-35 yaş arası gənc kişi və oğlanların 21%-dən çoxunun qidalanma pozğunluğu ilə əlaqədar ehtimal olunan diaqnozun meyarlarına cavab verdiyini müəyyən edib.

Qaziler.az xəbər verir ki, araşdırma işi “Eating Behaviors” (EB) jurnalında dərc olunub.

1500-dən çox respondentin sorğu vərəqələrinin təhlili əsasında tədqiqatçılar müəyyən ediblər ki, ən çox rast gəlinən bulimiya (5,8%), anoreksiya isə ən az (0,34%) olub. Daha yüksək bədən kütləsi indeksi pozğunluğun daha çox olma ehtimalı ilə əlaqələndirilib.

Araşdırmanın aparıcı müəllifi, PhD Kyle T. Ganson: "Bu məlumatlar açıq şəkildə fəaliyyətə çağırışdır. Kişilər və gənclər, xüsusən də artıq çəkisi olanlar risk altındadırlar, lakin çox vaxt səhiyyə sistemlərində və ictimai kampaniyalarda görünməz qalırlar”, - deyib.

Tədqiqatın müəllifləri xüsusi kişi təcrübəsinə uyğunlaşdırılmış profilaktika və müalicə proqramlarının yaradılmasının zəruriliyini vurğulayıblar. Belə ki, utanc, mühakimə qorxusu və dəstəkləyici terapiyanın olmaması çox vaxt kişilərin kömək istəməsinə mane olur.

QAZİLER.AZ