Fərqli növ pendirlər unikal xüsusiyyətlərə malikdir, lakin onların hamısı eyni dərəcədə faydalı deyil. Pendir – zülal, B qrupu vitaminləri və sağlamlığı qorumaq üçün vacib olan faydalı yağların dəyərli mənbəyidir.

QAZİLER.AZ Lent.az-a istinadən bu barədə məlumat verir:

Hansı pendirlər daha faydalıdır?

Mütəxəssisin sözlərinə görə, zülal orqanizmin hər hüceyrəsinin əsas komponentidir və bir çox bioloji proseslərdə iştirak edir. Pendir zülal çatışmazlığını aradan qaldırmağın əla yoludur, lakin onun növünü düzgün seçmək vacibdir.

1. Sərt növ pendirlər

Parmezan, qauda, çedder – zülal, kalsium və sümükləri möhkəmləndirən D vitamini ilə zəngindir. Bu pendirlər həmçinin sinir sisteminin fəaliyyətini dəstəkləyən B12 vitamini daşıyır.

2. Turş süd əsaslı yumşaq pendirlər

Rikotta, kəsmik, motsarella – az yağ və duz tərkibli olmaqla yanaşı, kazein zülalı ilə zəngindir. Kazein amin turşularını orqanizmə tədricən çatdıraraq daha uzun müddət toxluq hissi yaradır.

3. Qıf pendirlər (mavi kifli)

Bri, kamamber – bağırsaq mikroflorasını və immuniteti gücləndirən probiyotiklərin mənbəyidir. Kamamber pendiri miristamid adlı maddə ilə zəngindir – bu maddə beynin fəaliyyətini, yaddaşı yaxşılaşdırır və neyronların böyüməsini stimullaşdırır.

Əhəmiyyətli Qeyd:

Doymuş yağların gündəlik rasionda miqdarı 10%-i keçməməlidir.

Tövsiyə edilən gündəlik miqdar:

Yumşaq növ pendirlər – 120 qramadək

Sərt pendirlər – 40 qramdan çox olmamaq şərti ilə

Keyfiyyətli pendiri necə seçməli?

Pendir alarkən aşağıdakı məqamlara diqqət yetirin:

Rəng: Təbii pendirin rəngi bərabər tonludur, kəskin keçidlər olmaz. Yağlılıq səviyyəsi artdıqca sarımtıl rəng daha doymuş olur. Parlaq-sarı rəng boyaların əlavə olunduğunu, çox açıq ağ rəng isə yüksək duz və az yağ tərkibini göstərə bilər.

Konsistensiya: Quruluşu vahid və bərabər olmalıdır. Əgər pendirdə ləkələr və ya qeyri-bərabər sahələr varsa, bu onun yetərincə yetişmədiyini göstərir.

Qabıq: Sərt pendirlər təbii və ya mumlu qabıqla örtülür. Üzərində ağ ərp saxlama şəraitinin düzgün olmadığını göstərə bilər.

Məsləhət: Pendir seçərkən əlavə maddələr və boyalar olmayan təbii sortlara üstünlük verin – bu zaman orqanizm üçün maksimum fayda əldə etmiş olarsınız.