Kopenhagen Universitetinin alimləri müəyyən ediblər ki, məşq etməklə əzələ enerjisi istehsalında genetik səhvləri düzəltmək olar. Bu mexanizm 200-dən çox müxtəlif xəstəliyin müalicəsi üçün imkanlar açır.

Qaziler.az xəbər verir ki, araşdırmanın nəticələri “Nature Communications” (NatCom) jurnalında dərc olunub.

Alimlər izah ediblər ki, SLIRP zülal hüceyrənin enerji fabrikində - mitoxondriyada enerji istehsalında əsas rol oynayır. SLIRP mitoxondriyada olan genləri stabilləşdirir və mRNT-nin normal mitoxondrial funksiyasından və orqanizmin enerji təchizatı üçün zəruri olan digər zülallara çevrilməsindən məsuldur. SLIRP-nin olmaması və ya qeyri-kafi istehsalı zamanı mitoxondriya zədələnir, bu da əzələlərə təsir edən xəstəliklərin inkişafına səbəb olur.Ancaq məşq etməklə bu prosesi geri qaytarmaq olar.

Siçanlar və meyvə milçəkləri üzərində aparılan təcrübələr göstərib ki, məşq edərək əzələ enerjisinin sintezi üçün alternativ prosesləri aktivləşdirməklə SLIRP funksiyasındakı genetik xətaların qarşısını almaq olar.

Tədqiqatçılar hələ də idmanın bu prosesə necə təsir etdiyini dəqiq bilmirlər. Bununla belə, onlar deyirlər ki, onların kəşfi əzələlərə təsir edən bir sıra xəstəliklər üçün yeni müalicə üsullarının hazırlanmasına kömək edə bilər.

QAZİLER.AZ