Pestisidlər kimi kimyəvi çirkləndiricilərə məruz qalma gənclər arasında bağırsaq xərçənginin artmasına səbəb ola bilər.

Qaziler.az xəbər verir ki, bu barədə “Daily Mail”ə Yel Tibb Məktəbinin (ABŞ) qastroenteroloqu doktor Mişel Hyuz məlumat verib.

Mütəxəssisin sözlərinə görə, PFAS (perfluoroalkil və polifluoroalkil birləşmələri) kimi bir çox mikroskopik kimyəvi maddələr bağırsaq xərçənginin potensial səbəbkarı ola bilər. Onlar istehlak məhsullarında, o cümlədən yapışmayan qablar, suya davamlı geyimlər, kosmetika və qida qablaşdırmalarında geniş istifadə olunur. Güman edilir ki, bu cür maddələr orqanizmə daxil olduqda bağırsaqlardakı bakteriyaların tarazlığını pozur və bununla da xərçəng əleyhinə təbii ehtiyatları tükəndirir.

Sağlamlıq üçün təhlükəli olan çirkləndiricilərin başqa bir nümunəsi pestisidlərdir. Onlar zərərvericiləri və bitki patogenlərini məhv etmək üçün istifadə olunur. “Frontiers in Cancer and Society” jurnalında dərc edilən araşdırmada məlum olub ki, kənd təsərrüfatı pestisidlərinə məruz qalma tütün tüstüsü qədər təhlükəli ola bilər ki, bu da xərçəngin müəyyən növlərinin riskini artırır.

Hyuz vurğulayıb ki, pestisidlər meyvə və tərəvəzlərin səthində uzun müddət qala bilər, bu da onların insan orqanizminə müntəzəm olaraq az da olsa daxil olması deməkdir.

QAZİLER.AZ