Müntəzəm zülal əlavələri kollagen qədər effektiv şəkildə qırışların qarşısını ala bilər.

Qaziler.az xəbər verir ki, bu barədə “Daily Mail”ə Lankaster Universitetinin biogerontoloqu (qocalma biologiyası üzrə tədqiqatçı) doktor Devid Klans məlumat verib.

Alim izah edib ki, kollagen orqanizmdə dərinin, qığırdaqların və sümüklərin elastikliyinə töhfə verən mühüm struktur zülaldır. Bədəndəki bu zülalın səviyyəsi yaşla birlikdə azalır, buna görə də bir çox insan gənc toxumanı qorumaq üçün əlavələr qəbul edir.

Bəzi erkən araşdırmalar göstərib ki, kollagen həqiqətən dərinin elastikliyini və nəmlənməsini yaxşılaşdırmağa kömək edir, dırnaqları və saçları gücləndirir. Lakin Klansın fikrincə, belə təcrübələrin nəticələri qeyri-dəqiq ola bilər. Fakt budur ki, kollageni əvəz edəcək digər zülal əlavələri ilə bağlı heç bir araşdırma hələ aparılmayıb. Adi zülalın belə oxşar faydalı xüsusiyyətlərə malik olması ehtimalı çox yüksəkdir.

Biogerontoloq əlavə edib ki, qırışların qarşısını almaq üçün dəri kremindən istifadə etmək daha asan və daha ucuz olacaq. Onun istifadəsi kollagen əlavələrinə bənzər effekt verəcək və büdcəyə ziyan vurmayacaq.

QAZİLER.AZ