Bişmiş alma iltihab və oksidləşdirici stresslə mübarizə aparan antioksidanlarla zəngindir.

Qaziler.az “LIFE.ru”ya istinadla bildirir ki, bu fikirləri Rusiya Dövlət Təhsil Universitetinin Təbiət Elmləri Fakültəsinin dekanı İrina Lyalina deyib. Onun sözlərinə görə, belə meyvələrin tərkibində çoxlu miqdarda C və B vitaminləri, lif və fol turşusu var.

“Bütün taxıl, düyü və yulaf unundan hazırlanmış, lakin mayasız olan xəmir bişmiş alma üçün əla əlavədir. Belə bir desertdə xəmirin əsas vəzifəsi onu kompleks karbohidratlar hesabına doyurmaqdır. Yadda saxlamaq lazımdır ki, alma bişirərkən şəkərin miqdarı arta bilər”, - ekspert izah etdi.

Bioloq qeyd edib ki, bişmiş alma şəkərli diabet xəstələri və ya şəkər səviyyəsinə nəzarət edənlər üçün tövsiyə edilmir, çünki almanı bişirdikdə kalorinin miqdarı artırır. Lyalina əlavə edib ki, bişmiş alma turşuluğuna görə mədəsi həssas olan insanlar üçün də problem yarada bilər.

QAZİLER.AZ