Harvard Xalq Sağlamlığı Məktəbinin alimləri müəyyən edib ki, Ozempic və Vegovi kimi arıqlayan dərmanların istifadəsi qeyri-arteritik anterior işemik optik neyropatiya adlanan nadir və potensial olaraq korluq yaradan vəziyyətin inkişaf riskini artırır.

Tədqiqatın nəticələri “JAMA Ophthalmology”də dərc edilib.

Semaglutide (Ozempic və Vegovi) əsasında inyeksiya edilə bilən kilo itkisi və diabet dərmanları son bir neçə ildə populyarlıq qazandığından, bu dərmanların səbəb ola biləcəyi potensial mənfi yan təsirlərin siyahısı son bir neçə il ərzində artıb. Bəzi tədqiqatlar göstərir ki, qlükaqona bənzər peptid-1 (GLP-1) reseptor agonistlərinin istifadəsi depressiya, qastroparez (mədə iflici) və saç tökülməsinə səbəb ola bilər.

17 min insanın iştirak etdiyi yeni araşdırmada “Ozempic” və “Vegovi”dən istifadənin potensial olaraq korluğa səbəb ola biləcəyi aydın olub.

NAPİN ağrısız görmə itkisi, birtərəfli görmə itkisi və ya görmə sahəsi qüsuru ilə xarakterizə olunan nadir göz xəstəliyidir. Bu vəziyyət optik sinirin başına qan axınının azalması ilə əlaqədardır. NAPIN səbəbiylə inkişaf edə bilən qəfil korluq geri qaytarılmayacaq bir xəstəlikdir.

QAZİLER.AZ