Dietoloq mədə-bağırsaq traktına, qaraciyərə və qan damarlarına faydalı təsir göstərən iki məhsul haqqında paylaşım edib. Bundan əlavə, məhsullar uzunmüddətli toxluq hissi verir, qəbizliklə mübarizə aparmağa kömək edir, həmçinin "pis" xolesterinin səviyyəsini azaldır.

Qaziler.az bildirir ki, bu barədə UlanMedia xəbər agentliyi məlumat yayıb.

Mədə-bağırsaq xəstəliklərinin qarşısının alınması üçün düzgün qidalanma vacibdir. Bəzi qidaların bədən üçün xüsusi faydaları ola bilər.

Tibb elmləri namizədi və dietoloq Svetlana Pavliçenko deyib ki, hər gün avokado və yulaf yemək lazımdır. Bu qidalar lifə zəngindir. Lif bağırsaq hərəkətliliyini yaxşılaşdırmağa kömək edir, dolğunluq hissi verir və maddələr mübadiləsini yaxşılaşdırır. Qida lifi  sağlam bağırsaq mikroflorasını dəstəkləyir və qəbizliklə mübarizə aparmağa kömək edir.

Həkimin sözlərinə görə, yuxarıda sadalanan qidalar hər gün yeyilməlidir, lakin belə bir imkanınız yoxdursa, o zaman həftədə ən azı bir neçə dəfə qida rasionunuza daxil etməlisiniz.

QAZİLER.AZ